He Kotahi Rau Tau

Neke atu i te kotahi rau tau i mua timata mai te pahekoheko o te whanau Norcross ki te rohe o Waitakere. Naa Henry Norcross i hunuku i te whanau mai i Ingarangi ki konei, a, ka whakatuwhera i teetahi toa hokomaha.

I eeraa waa - mua rawa atu i te waihanga mai o te arahanga matua o Tamaki Makaurau - he taunga whakahirahira a Helensville i te ara ki te Taitokerau mo ngaa tangata kaihokohoko. Naa teenaa i whai kaihoko maha a Henry Norcross, ara ka noho hei toa whakahirahira ki eera o eenei raa.

Heoi, naa taua ara anoo ki te Taitokerau i whakaarotia kia neke te whanau ki Wairoa. Engari, noo te tau 1921 ka hoki te kaiurungi a Henry Norcross me toona whanau ki Henderson ki te toa hokomaha. I taua wa e tipu ana te rohe nei hei wahi moomoho mo te pakihi, tangata hoki.
I te tau 1940 ka riro i a Henry Norcross te turanga koromatua o Henderson, a, ka noho ko tana tama a Robert hei pouwhakahaere mo te pakihi.

Kaati, i te tau 1951 ka whakatuwheratia e Robert raua ko tana tamahine, ko Anne, teetahi toa pukapuka ki Great North Road, Henderson.

He kotahi tau i muri mai, ka whakatuwheratia teetahi toa hoko taonga, taputapu hakinakina hoki, e tona mataamua, ko Charles. Kua puawai toona toa i eenei raa, a, ka whakahaerehia inaianei e te mataamua a Charles, ko Robert.

I timata mai ngaa mahi pakihi a Henry B Norcross i te tau 1959. Naana ngaa hea o toona tuahine o Anne i hoko mo te toa hokomaha o te whanau. Ka hipa ngaa tau e whaa ka hoko a Henry B i te toenga o ngaa hea mo te toa i toona papa a Robert.

I pukumahi katoa te whanau i ngaa tau ono-tekau ki te whakatipu i te kamupene. I te mutunga mai ka puta ngaa hua, ka huakina mai he whare whakaari taonga pakihi, he whare kopa ano hoki i Henderson.

Kihai rawa i whakangaa engari kee i ngaa tau whitu-tekau ka huri te aronga ki te mahi taa i runga i te hiahia o ngaa kiritaki o te rohe ki teetahi tohunga pakihi taa.

Whai muri iho i tera ka whanui ake wa ratou rauemi taa, a, hei te tau 1987 e rima ngaa tae hei kowhiringa ma te kiritaki. Ko Henry B Norcross tonu te pouwhakarae, a, he kopa ka tuu ki Kirikiriroa, Te Papaioea, Te Whanganui-a-Tara, me teera ano i Henderson.

No te tau 1992 ka riro ma te whakatipuranga tuawhaa o te whanau e hautuu i te pakihi i puawai mai i ngaa tau waru tekau.

Ko Henry J Norcross teeraa i puta kamakama ki teeraa mahi. I raro i a ia, kua kitea te whakamaaro haere me te whakatipu ake anoo o te pakihi taa nei. Kua whakatuu ngaa wahanga koawaawa o te whare, ko te waahanga hokohoko, te waahanga mua-taa hoki. Ka whakawhanuitia te mira-taa ki Henderson, ka tae hoki mai teeraa mihini hou, ara ko te Heidleberg taa-tae-rima, he momo-wai uuhia toona.

.